Rss Feed
  1. नेपाली गजल

    Saturday, July 4, 2020

    आगो र पानी रै छ जिन्दगी
    साँच्चै खरानी रै छ जिन्दगी

    अभिनय गरौं कति रंगमञ्चमा
    झूठो कहानी रै छ जिन्दगी

    देख्दा त फूलै फूल देखिने
    सुन्दर बिहानी रै छ जिन्दगी 

    जब आफुलाई चिन्न गै सकें 
    ताजा जवानी रै छ जिन्दगी 

    देखें हिजो सपना अचम्मको 
    राजा म रानी रै छ जिन्दगी 

    छाँडी मलाई खै कता गइन
    शायद बिरानी रै छ जिन्दगी 

    लाली अझैं कुन्दन छ ओठमा 
    उनको निसानी रै छ जिन्दगी 

    221-2221-212

    © कुन्दन कुमार कर्ण

  2. 0 comments:

    Post a Comment